七月，石頭媽媽終於放完為期三個月的悠長產假了！石頭上星期五Year-end Party後便開始放暑假，每朝媽媽出門上班時，石頭和妹妹都好夢正酣；和石頭相處的時間就只有晚上放工後至石頭睡前的兩三小時。
前兩天，石頭媽媽公司那可怕的ad hoc project工作再度展開，星期三、四一連兩天都要OT，回到家裡兄妹倆都已呼呼大睡了。
今天早上，石頭有幾聲咳，咳著咳著就醒了。媽媽忙著梳洗換衫，石頭飲著他的早餐奶，一邊問道：『媽媽，你去街“牙”？』媽媽答道：『去街？唔係呀，媽媽返工呀。』石頭又問道：『媽媽你依家返“牙”？』媽媽答道：『返喇。』石頭竟然說：『不如你唔好返工啦，我好掛住你呀？』石頭媽媽心頭一戚，只好跟石頭說：『傻豬，梗係唔得啦；最多媽媽今晚早啲返嚟啦。好唔好？！』
『石頭爸爸，唔返工得唔得呀？！』
